Kamal Kaur Bhabhi case: ਕੰਚਨ ਕੁਮਾਰੀ ਦੇ ਪਰਿਵਾਰ ਨੇ ਮਹਿਰੋਂ ਲਈ ਫਾਂਸੀ ਦੀ ਸਜ਼ਾ ਦੀ ਮੰਗੀ
ਮ੍ਰਿਤਕ ਅਤੇ ਵਿਵਾਦਿਤ ਸੋਸ਼ਲ ਇਨਫਲੂਐਂਸਰ ਕੰਚਨ ਕੁਮਾਰੀ ਉਰਫ਼ ਕਮਲ ਭਾਬੀ ਦੇ ਪਰਿਵਾਰਕ ਮੈਂਬਰਾਂ ਨੇ ਕਤਲ ਦੇ ਮੁੱਖ ਮੁਲਜ਼ਮ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਲਈ ਫਾਂਸੀ ਦੀ ਸਜ਼ਾ ਦੀ ਮੰਗ ਕੀਤੀ ਹੈ। ਲੁਧਿਆਣਾ ਦੇ ਲਛਮਣ ਨਗਰ ਦੀ ਗਿਰਜਾ ਦੇਵੀ ਦੀ ਅਗਵਾਈ ਵਿੱਚ ਪਰਿਵਾਰ ਨੇ ਸ਼ਲਾਘਾ ਕੀਤੀ ਕਿ ਪੁਲੀਸ ਅੰਤ ਵਿੱਚ ਮਹਿਰੋਂ ਨੂੰ ਪੰਜਾਬ ਲੈ ਆਈ ਹੈ, ਪਰ ਹੁਣ ਉਹ ਚਾਹੁੰਦੇ ਹਨ ਕਿ ਉਸ ਨੂੰ ਫਾਂਸੀ ਦੇ ਤਖ਼ਤੇ ਤੱਕ ਪਹੁੰਚਾਇਆ ਜਾਵੇ ਤਾਂ ਜੋ ਉਸਦੇ ਮਾਪਿਆਂ ਨੂੰ ਵੀ ਉਸ ਦਰਦ ਦਾ ਪਤਾ ਲੱਗ ਸਕੇ ਜੋ ਲੋਕ ਆਪਣੇ ਪਿਆਰਿਆਂ ਨੂੰ ਖੋਹਣ ‘ਤੇ ਸਹਿਣ ਕਰਦੇ ਹਨ।
ਗਿਰਜਾ ਨੇ ਕਿਹਾ, “ਉਸ ਦੀ ਮਾਂ ਨੂੰ ਵੀ ਬੱਚਾ ਖੋਹਣ ਦਾ ਉਹੀ ਦਰਦ ਮਹਿਸੂਸ ਹੋਣ ਦਿਓ ਜੋ ਮੈਂ ਆਪਣੀ ਧੀ ਨੂੰ ਖੋਹਣ ‘ਤੇ ਸਿਹਾ ਹੈ, ਜੋ ਮੇਰੇ ਪਤੀ ਦੀ ਗੈਰ-ਮੌਜੂਦਗੀ ਵਿੱਚ ਮੇਰੇ ਲਈ ‘ਸਰਪ੍ਰਸਤ’ ਦੀ ਭੂਮਿਕਾ ਨਿਭਾ ਰਹੀ ਸੀ।” ਉਨ੍ਹਾਂ ਦਲੀਲ ਦਿੱਤੀ ਕਿ ਮਹਿਰੋਂ ਦੀ ਮੌਤ ਕੰਚਨ ਨੂੰ ਵਾਪਸ ਨਹੀਂ ਲਿਆ ਸਕਦੀ ਪਰ ਇਸ ਨਾਲ ਪਰਿਵਾਰ ਨੂੰ ਸ਼ਾਂਤੀ ਮਿਲੇਗੀ। ਜਾਂਚ ਕਰ ਰਹੀ ਪੁਲੀਸ ਦੀ ਕਾਰਜਪ੍ਰਣਾਲੀ ‘ਤੇ ਸੰਤੁਸ਼ਟੀ ਜ਼ਾਹਰ ਕਰਦਿਆਂ ਕੰਚਨ ਦੇ ਭੈਣ-ਭਰਾਵਾਂ ਨੇ ਵੀ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਇਸ ਮਾਮਲੇ ਨੂੰ ਨਿਰਣਾਇਕ ਅੰਜਾਮ ਤੱਕ ਪਹੁੰਚਾਇਆ ਜਾਵੇ ਕਿਉਂਕਿ ਇਸ ਨਾਲ ਉਸ (ਕੰਚਨ) ਦੀ ਰੂਹ ਨੂੰ ਇਨਸਾਫ਼ ਮਿਲੇਗਾ।
