Anil Ambani CBI: ਸੀ ਬੀ ਆਈ ਵੱਲੋਂ ਅਨਿਲ ਅੰਬਾਨੀ ਦੀ ਰਿਲਾਇੰਸ ਕੈਪੀਟਲ ਖ਼ਿਲਾਫ਼ ਕਰੋੜਾਂ ਦੇ ਘਪਲੇ ਦਾ ਕੇਸ ਦਰਜ

ਕੇਂਦਰੀ ਜਾਂਚ ਬਿਊਰੋ (ਸੀ ਬੀ ਆਈ) ਨੇ ਈ ਪੀ ਐੱਫ ਓ ਦੀ ਸ਼ਿਕਾਇਤ ‘ਤੇ ਰਿਲਾਇੰਸ ਕੈਪੀਟਲ ਲਿਮਟਿਡ, ਇਸ ਦੇ ਸਾਬਕਾ ਚੇਅਰਮੈਨ ਅਨਿਲ ਅੰਬਾਨੀ ਅਤੇ ਹੋਰਾਂ ਖ਼ਿਲਾਫ਼ ਐੱਫ ਆਈ ਆਰ ਦਰਜ ਕੀਤੀ ਹੈ। ਇਨ੍ਹਾਂ ’ਤੇ ਦੋਸ਼ ਹੈ ਕਿ ਕੰਪਨੀ ਵੱਲੋਂ ਧੋਖਾਧੜੀ ਅਤੇ ਫੰਡਾਂ ਦੀ ਹੇਰਾਫੇਰੀ ਕਾਰਨ ਈ ਪੀ ਐੱਫ ਓ ਨੂੰ 1,007.55 ਕਰੋੜ ਰੁਪਏ ਦੇ ਨੁਕਸਾਨ ਅਤੇ 808.67 ਕਰੋੜ ਰੁਪਏ ਦੀ ਵਿਆਜ ਦੇਣਦਾਰੀ ਸਮੇਤ ਕੁੱਲ 1,816.22 ਕਰੋੜ ਰੁਪਏ ਦਾ ਨੁਕਸਾਨ ਪਹੁੰਚਾਇਆ ਗਿਆ ਹੈ।

ਇਹ ਮਾਮਲਾ 2013-2014 ਦੌਰਾਨ ਜਾਰੀ ਕੀਤੇ ਗਏ ਗੈਰ-ਕਨਵਰਟੀਬਲ ਡਿਬੈਂਚਰਾਂ (ਐੱਨ ਸੀ ਡੀ) ਵਿੱਚ ਈ ਪੀ ਐੱਫ ਓ ਵੱਲੋਂ ਕੀਤੇ ਗਏ 2,500 ਕਰੋੜ ਰੁਪਏ ਦੇ ਨਿਵੇਸ਼ ਨਾਲ ਸਬੰਧਤ ਹੈ।