ਹਾਈ ਕੋਰਟ ਵੱਲੋਂ Jaan Mahal ਚੈੱਨਲ ਚਲਾਉਣ ਵਾਲੇ ਯੂਟਿਊਬਰ ਜਸਬੀਰ ਸਿੰਘ ਨੂੰ ਜ਼ਮਾਨਤ
ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਆਫੀਸ਼ੀਅਲ ਸੀਕਰੇਟਸ ਐਕਟ (ਸਰਕਾਰੀ ਭੇਦ ਐਕਟ) ਅਤੇ ਭਾਰਤੀ ਨਿਆ ਸੰਹਿਤਾ ਦੇ ਤਹਿਤ ਮੁਲਜ਼ਮ ਇੱਕ ਯੂਟਿਊਬ ਵਲੌਗਰ ਜਸਬੀਰ ਸਿੰਘ ਨੂੰ ਨਿਯਮਤ ਜ਼ਮਾਨਤ ਦੇ ਦਿੱਤੀ ਹੈ। ਕੋਰਟ ਨੇ ਸਪੱਸ਼ਟ ਕੀਤਾ ਕਿ ਪਾਕਿਸਤਾਨੀ ਨਾਗਰਿਕਾਂ ਨਾਲ ਸੰਪਰਕ ਜਾਂ ਸੰਵੇਦਨਸ਼ੀਲ ਜਾਣਕਾਰੀ ਦਾ ਪ੍ਰਸਾਰ ਪਹਿਲੀ ਨਜ਼ਰੇ (prima facie) ਸਥਾਪਿਤ ਨਹੀਂ ਹੋਇਆ ਹੈ।
ਜਸਟਿਸ ਵਿਨੋਦ ਐੱਸ. ਭਾਰਦਵਾਜ ਨੇ ਧਿਰਾਂ ਦੇ ਵਕੀਲਾਂ ਨੂੰ ਸੁਣਨ ਅਤੇ ਮਾਮਲੇ ਦੇ ਤੱਥਾਂ ਅਤੇ ਹਾਲਾਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਹੁਕਮ ਪਾਸ ਕੀਤਾ, ਜਿਸ ਵਿੱਚ ਕਥਿਤ ਅਪਰਾਧ ਦੇ ਸਬੰਧ ਵਿੱਚ ਪੈਦਾ ਹੋਣ ਵਾਲੇ “ਬਹਿਸਯੋਗ ਮੁੱਦਿਆਂ” (arguable issues) ਅਤੇ ਮੌਜੂਦਾ ਪੜਾਅ ‘ਤੇ ਸਿੱਧੇ ਸੰਪਰਕ, ਸੰਵੇਦਨਸ਼ੀਲ ਜਾਣਕਾਰੀ ਦੇ ਸੰਚਾਰ ਜਾਂ ਅਪਰਾਧਿਕ ਇਰਾਦੇ ਨੂੰ ਦਰਸਾਉਣ ਦਾ ਸੰਕੇਤ ਦੇਣ ਵਾਲੀ ਪੁਸ਼ਟੀਯੋਗ ਸਮੱਗਰੀ ਦੀ ਘਾਟ ਸ਼ਾਮਲ ਹੈ।
