CWG: ਜੂਡੋ ਖਿਡਾਰਨ ਇਸ਼ਰੂਪ ਨਾਰੰਗ ਕਾਂਸੀ ਤਮਗੇ ਦਾ ਮੁਕਾਬਲਾ ਹਾਰੀ
ਕਾਮਨਵੈਲਥ ਗੇਮਜ਼ ਦੇ ਆਖਰੀ ਦਿਨ ਐਤਵਾਰ ਨੂੰ ਜੂਡੋ ਦੇ ਆਖਰੀ ਮੁਕਾਬਲੇ ਵਿੱਚ ਭਾਰਤੀ ਜੂਡੋ ਖਿਡਾਰਨ ਇਸ਼ਰੂਪ ਨਾਰੰਗ ਨੇ ਕਾਂਸੀ ਤਮਗੇ ਦੇ ਪਲੇਅ-ਆਫ ਵਿੱਚ ਆਪਣੀ ਪੂਰੀ ਵਾਹ ਲਾਈ, ਪਰ ਉਹ ਕੈਨੇਡਾ ਦੀ ਕੋਰਾਲੀ ਗੌਡਬੁਟ ਤੋਂ ਯੂਕੋ ਨਾਲ ਹਾਰ ਗਈ।
ਮਹਿਲਾਵਾਂ ਦੇ 78 ਕਿਲੋਗ੍ਰਾਮ ਵਰਗ ਦੇ ਰੇਪੇਚੇਜ ਰਾਊਂਡ ਵਿੱਚ ਕੈਮਰੂਨ ਦੀ ਤਾਕਤਵਰ ਅਤੇ ਲੰਮੇ ਕੱਦ ਦੀ ਜਾਰਜਿਕਾ ਵੇਸਲੀ ਡਜੇਂਗੂ ਮੌਨੇ ਵਿਰੁੱਧ ਸ਼ਾਨਦਾਰ ਜਿੱਤ ਦਰਜ ਕਰਕੇ ਤਮਗੇ ਦੀ ਦੌੜ ਵਿੱਚ ਪਹੁੰਚਣ ਤੋਂ ਬਾਅਦ, ਭਾਰਤ ਦੀ ਤਮਗਾ ਸੂਚੀ ਵਿੱਚ ਇੱਕ ਹੋਰ ਤਮਗਾ ਜੋੜਨ ਦੀਆਂ ਉਮੀਦਾਂ ਇਸ਼ਰੂਪ ‘ਤੇ ਟਿਕੀਆਂ ਹੋਈਆਂ ਸਨ।
ਆਖਰੀ ਦਿਨ ਮੈਦਾਨ ਵਿੱਚ ਉਤਰੇ ਹੋਰ ਭਾਰਤੀ ਜੂਡੋ ਖਿਡਾਰੀ ਯਸ਼ ਘੰਗਾਸ ਅਤੇ ਅਵਤਾਰ ਸਿੰਘ ਆਖਰੀ 16 ਦੇ ਗੇੜ ਵਿੱਚ ਬਾਹਰ ਹੋ ਗਏ।
ਭਾਰਤ ਨੇ ਹੁਣ ਤੱਕ 39 ਮੈਡਲ ਜਿੱਤੇ ਹਨ, ਜਿਨ੍ਹਾਂ ਵਿੱਚ 13 ਗੋਲਡ ਅਤੇ 17 ਸਿਲਵਰ ਸ਼ਾਮਲ ਹਨ। ਖੇਡਾਂ ਵਿੱਚ ਸਿਰਫ਼ ਇੱਕ ਮੁਕਾਬਲੇਬਾਜ਼ ਲੀਸ਼ਾ ਦਾਸ ਬਾਕੀ ਹੈ ਜੋ ਮਹਿਲਾਵਾਂ ਦੇ C4-C5 1000 ਮੀਟਰ ਟਾਈਮ ਟ੍ਰਾਇਲ ਫਾਈਨਲ ਵਿੱਚ ਹਿੱਸਾ ਲਵੇਗੀ।
