Pakistani Nationals Arrested: ਜੰਮੂ ਦੇ ਬਾਲ ਸੁਧਾਰ ਘਰ ਤੋਂ ਫਰਾਰ 2 ਪਾਕਿਸਤਾਨੀ ਨਾਗਰਿਕ ਅੰਬਾਲਾ ਤੋਂ ਗ੍ਰਿਫਤਾਰ
ਸਪੈਸ਼ਲ ਟਾਸਕ ਫੋਰਸ (STF) ਦੀ ਅੰਬਾਲਾ ਯੂਨਿਟ ਨੇ ਸੋਮਵਾਰ ਨੂੰ ਆਰ.ਐਸ. ਪੁਰਾ ਖੇਤਰ ਦੇ ਇੱਕ ਬਾਲ ਸੁਧਾਰ ਘਰ (Juvenile observation home) ਤੋਂ ਫਰਾਰ ਹੋਏ ਦੋ ਪਾਕਿਸਤਾਨੀ ਨਾਗਰਿਕਾਂ ਨੂੰ ਕਾਬੂ ਕਰ ਲਿਆ ਅਤੇ ਮੰਗਲਵਾਰ ਨੂੰ ਉਨ੍ਹਾਂ ਨੂੰ ਅੰਬਾਲਾ ਕੈਂਟ ਵਿੱਚ ਜੰਮੂ-ਕਸ਼ਮੀਰ ਪੁਲੀਸ ਦੇ ਹਵਾਲੇ ਕਰ ਦਿੱਤਾ।
ਮੁਲਜ਼ਮਾਂ ਦੀ ਪਛਾਣ ਅਹਿਸਾਨ ਅਨਵਰ\B ਅਤੇ ਮੁਹੰਮਦ ਸਨਾਉੱਲ੍ਹਾ\B ਵਜੋਂ ਹੋਈ ਹੈ, ਜੋ ਦੋਵੇਂ ਪਾਕਿਸਤਾਨੀ ਪੰਜਾਬ ਦੇ ਰਹਿਣ ਵਾਲੇ ਹਨ। ਉਹ ਇੱਕ ਨਾਬਾਲਗ ਕਰਨਜੀਤ ਸਿੰਘ ਉਰਫ਼ ਗੁੱਗਾ\B ਦੇ ਨਾਲ ਫਰਾਰ ਹੋਏ ਸਨ।
ਜਾਣਕਾਰੀ ਅਨੁਸਾਰ, ਉਨ੍ਹਾਂ ਦੀ ਯੋਜਨਾ ਉੱਤਰ ਪ੍ਰਦੇਸ਼ ਲਈ ਟ੍ਰੇਨ ਫੜਨ ਅਤੇ ਫਿਰ ਨੇਪਾਲ ਸਰਹੱਦ ਪਾਰ ਕਰਨ ਦੀ ਸੀ। ਹਾਲਾਂਕਿ, ਦੋਵਾਂ ਪਾਕਿਸਤਾਨੀ ਨਾਗਰਿਕਾਂ ਨੂੰ ਇੱਥੇ ਹੀ ਫੜ ਲਿਆ ਗਿਆ।
STF ਹਰਿਆਣਾ ਦੇ ਐਸ.ਪੀ. ਵਿਕਰਾਂਤ ਭੂਸ਼ਣ ਨੇ ਦੱਸਿਆ ਕਿ ਕੇਂਦਰੀ ਏਜੰਸੀਆਂ ਅਤੇ ਜੰਮੂ-ਕਸ਼ਮੀਰ ਪੁਲੀਸ ਵੱਲੋਂ ਇਨਪੁਟ ਮਿਲੇ ਸਨ, ਜਿਸ ਤੋਂ ਬਾਅਦ STF ਅੰਬਾਲਾ ਦੇ ਇੰਚਾਰਜ ਪ੍ਰਤੀਕ ਅਤੇ ਡੀ.ਐਸ.ਪੀ. STF ਅੰਬਾਲਾ ਅਮਨ ਕੁਮਾਰ ਦੀ ਟੀਮ ਨੇ ਇਨ੍ਹਾਂ ਦੋਵਾਂ ਨੂੰ ਅੰਬਾਲਾ ਕੈਂਟ ਰੇਲਵੇ ਸਟੇਸ਼ਨ ਤੋਂ ਗ੍ਰਿਫਤਾਰ ਕੀਤਾ।
ਫਰਾਰ ਹੋਣ ਤੋਂ ਬਾਅਦ, ਕਰਨਜੀਤ ਉਨ੍ਹਾਂ ਨੂੰ ਆਪਣੇ ਸਾਥੀ ਠਾਕੁਰ ਕੋਲ ਲੈ ਗਿਆ ਅਤੇ ਫਿਰ ਉਹ ਸਾਰੇ ਬੱਸ ਰਾਹੀਂ ਅੰਬਾਲਾ ਕੈਂਟ ਪਹੁੰਚੇ। ਉਨ੍ਹਾਂ ਨੇ ਨੇਪਾਲ ਸਰਹੱਦ ਰਾਹੀਂ ਭਾਰਤ ਤੋਂ ਬਾਹਰ ਕੱਢਣ ਦੀ ਯੋਜਨਾ ਬਣਾਈ ਸੀ।
