Sarla Maheshwari Death: ਦੂਰਦਰਸ਼ਨ ਦੀ ਨਾਮਵਰ ਨਿਊਜ਼ ਰੀਡਰ ਸਰਲਾ ਮਾਹੇਸ਼ਵਰੀ ਦਾ ਦੇਹਾਂਤ
ਭਾਰਤੀ ਟੈਲੀਵਿਜ਼ਨ ਦੇ ਇਤਿਹਾਸ ਵਿੱਚ ਆਪਣੀ ਖ਼ਾਸ ਪਛਾਣ ਰੱਖਣ ਵਾਲੀ ਅਤੇ ਦੂਰਦਰਸ਼ਨ ਦੀ ਮਸ਼ਹੂਰ ਨਿਊਜ਼ ਐਂਕਰ ਸਰਲਾ ਮਾਹੇਸ਼ਵਰੀ ਜੀ 12 ਫਰਵਰੀ, 2026 ਨੂੰ 71 ਸਾਲ ਦੀ ਉਮਰ ਵਿੱਚ ਇਸ ਫ਼ਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਏ ਹਨ। ਸਰਲਾ ਜੀ ਨੂੰ ਉਨ੍ਹਾਂ ਦੀ ਬੇਹੱਦ ਸ਼ਾਂਤ ਸ਼ਖ਼ਸੀਅਤ, ਸਾਦਗੀ ਅਤੇ ਹਿੰਦੀ ਦੇ ਸ਼ੁੱਧ ਉਚਾਰਨ ਲਈ ਜਾਣਿਆ ਜਾਂਦਾ ਸੀ।
ਉਨ੍ਹਾਂ ਨੇ ਸਾਲ 1976 ਤੋਂ 2005 ਤੱਕ ਲਗਭਗ ਤਿੰਨ ਦਹਾਕਿਆਂ ਤੱਕ ਦੂਰਦਰਸ਼ਨ ’ਤੇ ਖ਼ਬਰਾਂ ਪੜ੍ਹੀਆਂ। ਉਹ ਉਸ ਦੌਰ ਦੇ ਸਭ ਤੋਂ ਪਛਾਣੇ ਜਾਣ ਵਾਲੇ ਚਿਹਰਿਆਂ ਵਿੱਚੋਂ ਇੱਕ ਸਨ, ਜਦੋਂ ਨਿੱਜੀ ਚੈਨਲਾਂ ਦਾ ਦੌਰ ਨਹੀਂ ਸੀ ਅਤੇ ਪੂਰਾ ਦੇਸ਼ ਖ਼ਬਰਾਂ ਲਈ ਸਿਰਫ਼ ਦੂਰਦਰਸ਼ਨ ’ਤੇ ਹੀ ਨਿਰਭਰ ਕਰਦਾ ਸੀ।
ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਦਿੱਲੀ ਯੂਨੀਵਰਸਿਟੀ ਤੋਂ ਪੀ.ਐਚ.ਡੀ. ਦੌਰਾਨ ਇੱਕ ਅਨਾਊਂਸਰ ਵਜੋਂ ਕੀਤੀ ਸੀ ਅਤੇ ਹੌਲੀ-ਹੌਲੀ ਉਹ ਰਾਸ਼ਟਰੀ ਨਿਊਜ਼ ਬੁਲੇਟਿਨ ਦਾ ਮੁੱਖ ਚਿਹਰਾ ਬਣ ਗਏ। ਉਨ੍ਹਾਂ ਨੇ ਟੈਲੀਵਿਜ਼ਨ ਦੇ ਬਲੈਕ ਐਂਡ ਵ੍ਹਾਈਟ ਤੋਂ ਰੰਗੀਨ ਹੋਣ ਤੱਕ ਦੇ ਸਫਰ ਨੂੰ ਬੜੇ ਨੇੜਿਓਂ ਦੇਖਿਆ। ਉਨ੍ਹਾਂ ਦੀ ਮੌਤ ’ਤੇ ਦੇਸ਼ ਭਰ ਦੇ ਦਰਸ਼ਕਾਂ ਅਤੇ ਪੁਰਾਣੇ ਸਾਥੀਆਂ ਵੱਲੋਂ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਜਾ ਰਿਹਾ ਹੈ।
