ਸਰਬਜੀਤ ਕੌਰ ‘ਤੇ FIR ਦਾ ਖ਼ਤਰਾ, ਸਰਹੱਦ ਪਾਰ ਪਿਆਰ ਦੇ ਚੱਕਰ ‘ਚ ਲਾਹੌਰ ਹਾਈ ਕੋਰਟ ਵਿੱਚ ਸ਼ੁਰੂ ਹੋਵੇਗਾ ਜਾਸੂਸੀ ਦਾ ਕੇਸ

ਲਾਹੌਰ ਦੀਆਂ ਗਲੀਆਂ ਅਤੇ ਨਨਕਾਣਾ ਸਾਹਿਬ ਦੀਆਂ ਪਵਿੱਤਰ ਕੰਧਾਂ ਇਸ ਸਮੇਂ ਇੱਕ ਕਾਨੂੰਨੀ ਲੜਾਈ ਦਾ ਗਵਾਹ ਬਣ ਰਹੀਆਂ ਹਨ ਜਿਸ ਨੇ ਸਰਹੱਦ ਦੇ ਦੋਵੇਂ ਪਾਸੇ ਹਲਚਲ ਮਚਾ ਦਿੱਤੀ ਹੈ। ਭਾਰਤ ਤੋਂ ਸਿੱਖ ਸ਼ਰਧਾਲੂ ਵਜੋਂ ਪਾਕਿਸਤਾਨ ਗਈ ਸਰਬਜੀਤ ਕੌਰ ਲਈ ਉੱਥੋਂ ਦਾ ਅਸਮਾਨ ਹੁਣ ਛੋਟਾ ਹੁੰਦਾ ਜਾਪਦਾ ਹੈ। ਜਿਸ ਪਿਆਰ ਅਤੇ ਆਸਰੇ ਲਈ ਉਸ ਨੇ ਧਰਮ ਅਤੇ ਦੇਸ਼ ਦੀਆਂ ਹੱਦਾਂ ਪਾਰ ਕੀਤੀਆਂ ਉਹੀ ਆਸਰਾ ਹੁਣ ਉਸਲਈ ਕਾਲ ਕੋਠੜੀ ਵਿੱਚ ਬਦਲਦਾ ਨਜ਼ਰ ਆ ਰਿਹਾ ਹੈ। ਇੱਕ ਪਾਸੇ ਨਸੀਰ ਹੁਸੈਨ ਦਾ ਵਿਆਹ ਅਤੇ ਦੂਜੇ ਪਾਸੇ ਪਾਕਿਸਤਾਨ ਦੇ ਕਠੋਰ ਵਿਦੇਸ਼ੀ ਕਾਨੂੰਨ ਦੀ ਤਲਵਾਰ ਹੈ। ਲਾਹੌਰ ਸੈਸ਼ਨ ਕੋਰਟ ਵਿੱਚ ਦਾਇਰ ਇੱਕ ਨਵੀਂ ਪਟੀਸ਼ਨ ਨੇ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਸਰਬਜੀਤ ਦੀ ਵਾਪਸੀ ਅਤੇ ਠਹਿਰਨ ਦੋਵਾਂ ਦਾ ਰਸਤਾ ਹੁਣ ਕੰਡਿਆਂ ਨਾਲ ਭਰਿਆ ਹੋਇਆ ਹੈ।